Ganni

“Faoliyatimizni boshlaganimizda, biz o’zimiz kiyishni istamagan narsalarni yaratmasligimiz lozim deb o`zimizga uqtirardik”.

Brendning tarixini 2000 yilda Daniya poytaxtida kaşmir sviteri ishlab chiqarish bo`yicha kichik brendga asos solgan galerist Frans Truelsen boshlab bergan. Ammo , 9 yildan so’ng biznesga Nikolay Reffstrup va uning rafiqasi Dittening kelishi bilanoq kompaniyaga haqiqiy muvaffaqiyat kulib boqadi.

So’nggi o’n yil ichida Skandinaviyaning Ganni`si o`zining inklyuziv yondashuvi va o’ziga xos Kopengagencha uslubi orqali Daniyaning kichik kaşmir leyblidan daniyalik ayollarning mustaqil va erkin fikrlash va nafosatini aks ettiruvchi kult brendiga aylandi.

Dittening ayollarga xos, ammo sho`x dizayni uni o’z toifasidagi boshqa brendlardan ajratib turadi.

Dizaynerlik brendi o’zini lyuks sifatida namoyon etishi – uning DNK-sida bor, lekin narxlari moda gigantlari o`rnatadigan yuqori darajadan yiroqda (aksessuarlar 20 dollardan boshlanadi, sviter va ko’ylaklar diapazoni 200 dan 500 dollar atrofida bo’lishi mumkin). Aynan shu tarzda brend o`z jozibasini, hamda bir vaqtning o`zida asoschilar intilgan o`sha yutuq va qulaylik hissini saqlab qolishga muvaffaq bo’ladi.

Kamalak chiziqli shinam trikotajlar, yorqin rangli gul va jonivorlar surati tushirilgan naqshli yengil ko‘ylaklar, bo‘rtgan yenglar, ingichka dastakli keng sumkalar, banan va olcha naqshli futbolkalar va kovboycha etiklar Ganni san`atining asosi hisoblanadi.

Ganni kiyimlarini Kendall Jenner va Jiji Hadid, Jessica Alba, Aleksa Chang, Vogue Australia moda jurnalining bosh muharriri Kristin Sentenera va shved qo’shiqchisi Lykke Lilar bajonidil kiyadilar.