The Row estetikasi har qanday kiyim javoninig asosini tashkil etuvchi buyumlar atrofida qurilgan: elastik trikotajdan qulay shimlar, katta o’lchamli kashmir sviterlar va faqat “bilimdonlar” tomonidan farqlab olinadigan logotipsiz sumkalar. The Row – bu minimalizm jozibasi.
Brendning g’oyasi moda olamida juda kamyop bo’lgan, zamon talab etmaydigan mukammal, asosan, bazaviy buyumlarni yaratishdan iborat. Shunday qilib, The Row chiqargan ilk buyum bu –oddiy oq futbolka edi. Eshli va Meri-Keyt ilgari topa olmagan o’sha futbolka: universal va sifatli, mukammal. Futbolka asosan qo’lda yasalgan nozik oltin zanjir bilan ajralib turardi.
Dizaynerlar eng yaxshi materiallar – super yumshoq charm, eng nozik kaşmir, ajoyib jun matolar bilan ishlaydi. Vaqt talab etmaydigan g’oyalar asosini – sokin ranglar uyg`unligi tashkil etadi: rang berish uchun o’simlik yoki minerallardan olingan moddalar ishlatiladi.
Opa-singil Olsenlar brendga urg‘u berishdan ko‘ra g‘oya, qulaylik va sifatni afzal ko‘rishadi. Shuning uchun ham, The Row hamma narsalarida yorliqlari iz qoldirmasdan osongina kesilishi mumkin bo’lgan tarzda tikiladi.
O’z ishlari uchun opa-singillar uch marotaba yilning eng yaxshi dizaynerlari unvoniga sazovor bo’lishgan. O`z faoliyatini kiyimlar to`plamidan boshlab, asta-sekin poyabzal, zargarlik buyumlari va sumkalar ishlab chiqarishga o`tishgan. 2018 yildan buyon – shuningdek, erkaklar kiyimlari liniyasini ham yo`lga qoyadilar.
