“Mana asos solinganiga 80 yil o‘tishiga qaramasdan, Scabal “lyuks” toifasidagi moda olamida muhim raqobatchilardan biri sifatida o‘z o‘rnini saqlab kelmoqda. Ayni kunlarda Gregor Tissen boshqaruvidagi Scabal brendi rahbariyatida uch avlod almashgan bo‘lsa hamki o‘z an’analariga sodiq qolgan”.
Raffaele Carbotta, Rossiya va sobiq ittifoq respublikalari bo‘yicha FINP&TRAP Savdo menedjeri, Scabal SA-NV: “Kastomizatsiya (buyurtmachi xohishidan kelib chiqib, o‘ziga xos xususiyatga, rang, bichim va uslubga ega turdagi mahsulotlarni ishlab chiqarish) – Scabal’ning asosiy ustunliklaridan biri. Bizning doimiy to‘plamimizda qariyb besh ming mahsulot mavjud, har mavsum biz taxminan 500 yangi mahsulotni qo‘shamiz, bizda har xil matolarga mos tushuvchi 500ga yaqin turli-tuman astar va tugma variantlari, olti xil bichim va uch turdagi bezaklar bor – bu elementlardan alohida va takrorlanmas kostyum yaratsa bo‘ladi”.
“Biz e’tiborimizni bir qarashda payqalmaydigan unsurlarga ham qaratamiz: bichim tuzilishi va shakli, astar matosi (biz ipak, kupro va bembergdan foydalanamiz), tugmalar esa sadaf va shoxlardan tayyorlanadi. Nigohlarga tashlanib turuvchi qismlarga ham juda e’tiborlimiz: bichuvlar, yengning bilak tutashgan qismlariga, qo‘shimcha tugmalarga”.
