Neil Barret

Barrettning har bir poyabzal jufti – bu haqiqiy “harakatdagi san’at asari”dir.

Barrett poyabzallarining dizayn uslubi rang-barang: brend har qanday mavsumga to’g’ri keluvchi klassik va rasmiy modellar, shuningdek ushbu mavsumda dolzarb bo’lgan bashang modellarni taklif etmoqda. Barrett poyabzallarni ishlab chiqarish uchun silliq va qumoq-qumoq buzoq terisi, zamsha, timsoh terisidan foydalanadi.

Kompaniya arxivi tarkibida uch mingdan ziyod modellar va har bir oyoq uchun mos qoliplar mavjud, Barrett ustalari xazinasida esa poyabzal yaratishning barcha an’anaviy uslublari bor: dastgohda tikilgan chokdan tortib, to qo’lda ishlov berilgan “Norvegiya” choki va egiluvchanlikni ta’minlovchi Italiyaning “Boloniya” uslubigacha.

Barrett kompaniyasi istisno tarzida poyabzal ustalarining qo’l ishidan foydalangan holda, hamisha eksklyuzivlikka asosiy urg’uni bergan. Charmnning sinchkovlik bilan tanlovi, an’anaviy modellarning innovatsion talqini, qismlar borasidagi alohida g’amho’rlik brend poyabzalini har qanday mavsumda ham mutlaq “must have”ga aylantiradi.

Barrett poyabzali uni kiygan erkak kishining uslubini namoyon etish bilan birga uning mavqeini ham belgilaydi. Barrett poyabzali egalari haqiqiy qulaylik va jozibani qadrlaydigan insonlardir.

Ingliz materiallarining mukammal sifati va Italiya dizaynining jozibasini birlashtirgan Barrett kompaniyasiga 1917 yilda Parmada asos solingan. Bunga Londondagi charm ishlab chiqaruvchi zavod egasi Djon Richardson Barrettning poyabzal ishlab chiqarish sohasida italiyaliklarning mahoratiga bo’lgan qiziqishi turtki bo’lgan. Italiya bo’ylab sayohati davomida Barrett o’zi uchun yangi bir juft poyabzalga buyurtma beradi. Ushbu poyabzal o’zining jozibasi, dizayni va qulay poshnasi bilan uni lol qoldiradi. Shundan so’ng Barrett ana shu faoliyat uchun Italiyaga charmning eng zo’r turlarini yetkaza boshladi. Bu bilan u muvaffaqiyatli hamkorlikka asos soladi.