MSGM

MSGM brendining aniq shifri mavjud. Jorjettining aytishicha, u loyihaga birinchi bo`lib jalb etilgan insonlar ismlarining bosh harflarini anglatadi. Bundan tashqari, ushbu nom Jorjettiga o’sha vaqtlar u sevib tinglagan musiqiy guruh – MGMTni eslatadi.

Uning yaratuvchisi dunyo moda industriyasining nufuzli nishonlariga, jumladan yillik tanlov «Who’s on next» ning finalchisi unvoniga hamda «Yil yutug’i» nominatsiyasida «Vogue talantlari» mukofotiga sazovor bo’lgan.

Stritvir-fotograflari kadrlariga ana shu brendning yorqin va dadil kiyimlarida muxrlangan yosh inflyuyenserlar xali yosh MSGM ning muvaffaqiyat kalitiga aylanganining isbotidir. MSGM o’z faoliyati davomida butun dunyodan eng urfdagi insonlarning sevimli kiyimlariga aylangan o’ndan ortiq to’plamlarini yaratdi.

Massimo rassomlar, dizaynerlar va Fila, Toilet Paper, Diadora shuningdek Eastpack kabi brendlar bilan hamkorlik qilishni xush ko’radi. Uning fikricha, hamkorlik brendni yangi pog’onaga ko’taradi.

Jorjetti 1977 yilda Italiyaning Rimini shahrida tug’ilgan. “Men o’qib yurgan matematika va bank ishi men uchun haqiqiy dahshat edi. Men moda haqidagi bor jurnallarni: Vogue, L’Uomo Vogue, Harper’s Bazaar, Elle ni sotib olish uchun shanbani kutar edim. Men ularning barchasini o’qiganman”.

Intervyularning birida Jorjettining aytishicha, muvaffaqiyat uchun uchta ketma-ket yaxshi to’plamni yaratish kerak. MSGM buning uddasidan chiqa oldi.

Brend haqida:

Yaratuvchisi va ijodiy rahbari Massimo Jorjetti bo’lgan MSGM brendi 2009 yilda Milanda paydo bo’lgan. U odatiy Italiya modasidan farqli ravishda konservativ bichim, klassik hoshiyalar va neytral ranglari bilan ajralib turardi. Ko’cha urfiga mos oddiy, hajmli va keng siluetlar eksperimental ranglar va dadil printlar bilan uyg’unlashib ketgan. Aynan shuning o’zi brend DNKsi hisoblanadi.

Birinchi to’plam kompyuterda ishlangan psixodelik va floresan bo’yoqlarda bo’yalgan printlardan iborat bo’lgan. Bu kabi yorqin, kaleydoskopik obraz MSGM uslubida haligacha saqlanib qolgan.

2017 yilda Massimo Jorjetti Emilio Pucci ijodiy rahbari lavozimidan ketdi. U bu lavozimda 2 yil ishlagan. Jorjetti buni MSGM doirasidagi ishga e’tiborni ko’proq qaratish maqsadida qildi.