“Tagcharm juda muhim. U tana tilini, holatini va shamoyilini o‘zgartira oladi. Va bu tanangiz bilan uyg‘unlikni anglash uchun ham eng qisqa yo‘ldir. Siz o‘zingizni yanada yaxshi his etishni va harakatlaringizni qulay boshqarishni boshlaysiz”.
25 yoshida esa dizayner Parijdagi Passage Vero-Dodat’da ilk butigini ochadi va “Christian Louboutin” brendini rasman ro‘yxatdan o‘tkazadi.
1994-yilda esa poshnasi alvon rangga bo‘yalgan tuflilarning dastlabki to‘plami paydo bo‘ladi. Bu kashfiyot patentlangan va “follow me” (“ortimdan yur” deya tarjima qilinadi) deya nomlangan.
1996-yilda “Lucite” deb nomlangan yangi to‘plam paydo bo‘ladi. Uning o‘ziga xosligi esa ichida turfa mayda jismlar yoki gullar bo‘lgan shaffof poshnalar edi. Aktrisa Ariel’ Dombal’ uchun ichida sevgi maktublari bo‘lgan noyob tuflilar maxsus yasalgan.
1997-yildan brend butiklari London, Nyu-York va Los-Anjeles shaharlarida ochiladi. Kristian Labutenning Moskvadagi poyabzal do‘koni 2003-yilda ochildi.
2007-yilda “Fetish” tarmog‘i vujudga keldi.
2009-yil – “Marie Antoinette” tarmog‘i.
Xuddi shu yili erkaklar poyabzali tarmog‘i ham paydo bo‘ldi.
2010-yil mashhur ustaning bir necha yangiliklari yili bo‘ldi desak yanglishmagan bo‘lamiz. Eng asosiy biri – bu aktrisa va model Bleyk Layvliga bag‘ishlab “Layvli” deya nomlangan rangli qayishchali tuflilar to‘plami edi. Aynan shu yilda “Christian Louboutin” poyabzal markasi “Footwear News” nashri tomonidan eng ehtirosli deya e’tirof etildi.
2011-yil yigirma santimetrli poshnalarga ega ekstremal-baland tuflilar chiqqani bilan e’tiborlidir. To‘plam yaratilishida mohir va mashhur ustani balerinalar va raqs davomida ularning tovonlari holati ilhomlantirdi.
2012-yilda “Christian Louboutin” brendi yigirma yillik yubileyini nishonladi.
“Labuten” tuflilarini Katrin Denyov, Sher, Madonna, Elizabet Teylor, Merayya Keri, Britni Spirs, Anjelina Joli, Kristina Agilyera, Kayli Minoug va ko‘plab mashhurlar kiyadi.
