BY FAR

«Barcha to’plamlar orasidan bittagina narsani tanlashimiz kerak bo’lsa, u ham Rachel sumkasi bo’lar edi. Chunki aynan biz birinchilardan bo’lib baget sumkalarga e’tiborni qaytadan qaratdik». Hali yosh brend bo`lgan By Far 2016 yilda yaratilgan. Brend asoschilari egizak opa-singillar Valentina Bezuxanova, Sabina Gesheva hamda ularning dugonasi Denisa Bumbarovalar hisoblanishadi. Valentina va Sabina brend boshqaruvi, marketing va imiji uchun javob berishsa, Denisa dizayn bilan shug’ullanadi.

Marka nomi uning asoschilari o’g’il farzandlari ismlarining bosh harflari yig’indisidan tashkil topgan.

Zamonaviy, intellektual, zerikarli bo’lmagan minimalizm – deya brend o’zini talqin etadi. Bu o’z navbatida shaharlik qiz obrazini, uning hissiyotlariyu, erkin ko’rinishini ifodalaydi. Brendning asosiy qadriyatlari: o’ta yuqori sifat, mahorat, eng zo’r materiallardan foydalanganlik va bichim, bezaklar hamda dizayn masalasida mutlaqo murosasiz ekanligidir.

Vaqt o’tib marka assortimenti uncha katta bo’lmagan sumkalar hisobiga yanada kengaydi. Sumkalar ham minimalistik dizaynga ega: sodda shakllar, bezaklarning yo’qligi, bosiq ranglar. By Far brendining barcha sumka va poyabzallari Italiya va Bolgariyadagi fabrikalarda qo’lda tikiladi.
Vaqti-vaqti bilan kichik kapsula to’plamlari ham ishlab chiqariladi

Dizaynerlar asos sifatida retro-modellar va vintaj nafosatini qayd etishadi – shu tarzda har qanday kiyimga mos keluvchi universal poyabzallarni yaratishga erishadilar. Har bir juft poyabzalga dizaynerlar ayollar nomini beradilar

Brend muhlislari uni asosan ortiqcha qismlarning va murakkab bezaklarning yo’qligi, monoxromligi, pastel yoki yorqin ranglari uchun qadrlaydilar.

By Far aksessuarlari bo’lmish kichkinagina sumkalar, ixcham etiklar va 90-yillar ruhidagi to’rtburchak uchli yalang shippaklar moda industriyasi professionallari, aktrisalar va inflyuyenserlar orasida mashhurlikka erishdi. Jumladan brend muhlislari orasida shuningdek Bella Xadid va Kendall Djennerlar ham bor.