Brioni

Brioni – mashhur Italiya moda uyi, lyuks klassidagi eng bashang va bejirim erkaklar urfiga oid jahonning eng mashhur brendlaridan biri.

Qadimgi rim madaniyati bichimining Yevropa va Amerikaning zamonaviy tendensiyalari bilan uyg’unligi o’z vaqtida erkaklar kiyimi korifeylari – inglizlar tomonidan tan olingan. Brioni o’ta yorqin ranglar mutanosibligini, juda yengil gazlama va mayin bichimni taklif etmoqda.

Moda uyi faoliyatining birinchi o’n yilligi davomida moda olamiga yangi uslubiy yechim – “pretkutyur”ni taqdim eta oldi. U keyinchalik “Kontinental uslub” nomini oldi. Bu faol hayot tarzi chun yaratilgan xushbichim va qulay kiyimlardir.

Nazareno Fontikoli va Gaetano Savini tomonidan 1945 yilda Rimda butik ochilishi bilan unga asos solingan. Do’kon Triyestadan uzoq bo’lmagan Adriatika dengizidagi orolga atab nomlangan.

1952 yilda Florensiyada kolleksiyalarning birinchi namoishi o’tkazildi.
Brend yaratuvchilarining Jovanbattist Jordjini bilan uchrashuvi Amerikani zabd etishga zamin yaratdi. Amerikalik xaridorlar va jurnalistlar uchun o’tkazilgan tarixda birinchi fashion-show Brioniga Nyu-Yorkda o’rnashishga imkon yaratdi.
50-60 yillar. Muvaffaqiyatning yangi to’lqini: “Rim ta’tillari” va “Shirin hayot” aktyorlari o’sha yerning o’zidan suratga olish jarayonlari uchun kostyumlarga byurtma bergan holda, Brionidan kiyinishadi.
1990 yil. Kompaniya bosh direktori Umberto Anjeloni bo’ladi. Mumbay, Sankt-Peterburg, Baku va boshqa shaharlarda butiklar paydo bo’la boshlaydi. Brioni mahsulotlari Jeyms Bond bilan suratga olingan filmlarda ko’rina boshlaydi (1995 yildan).
2006 yil. Kompaniya rahbariyatiga Andrea Perroun, Antonella de Simone (kompaniya asoschilari qarindoshlari) va Antonio Biyenchini kelishadi.
Turli davrlarda Kirk Duglas, Gari Kuper, Jon Ueyn, Genri Fonda, Entoni Kuinn, Klark Geybl, Donald Tramp, Kofi Annan, Nelson Mandela, Luchano Pavarotti, Pele, Tayger Vudslar kompaniya mijozlari bo’lishgan.

“Brioni falsafasi o’zgarishsiz bo’lgan, hozir ham shunday va shunday bo’lib qoladi. O’z qadrini bilgan va yuqori ijtimoiy pog’onaga tayangan zamona erkaklari, shubhasiz Brioni leybli ostidagi kostyumlarni kiyishi lozim. Bunday kiyimlar uning betakror shaxsiyatini namoyon etadi. Chunki Brioni kostyumlari– bu birinchi navbatda abadiyat va haqiqiy xushbichimlik dunyosi demakdir”.

Umberto Anjeloni.