Stone Island to’plamidagi ilk yettita kurtka funksionalligi, harbiy libos konstruksiyasi va ishchi kiyimlarga xosligi bilan ajralib turardi. Masalan, kamuflyajli print – brend dizayn-kodining muhim qismi bo’lib kelgan. Stone Island kiyimlarining o’ziga xos ajralib turuvchi jihati chap yengda katta bo’lmagan kompaniya belgisiga ega kashta shaklda tikilgan shevron ko’rinishidagi tikilgan qiyiq matodir (ba’zi bir modellarning yelka qismida). U “shamol atirgullari” uslubiy tasviri ko’rinishiga ega.
1983 yilda kompaniyaning 50 foizini Karlo Rivetti sotib oladi va shu tarzda brend rivojlana boshlaydi. To’qimachilik ishlanmalari, materiallarni qayta ishlash va tayyor kiyimlarni bo’yash uslubi noyob va o’ziga xosligi bilan ajralib turadi. Stone Island Italiyadagi birinchi yoshlar harakati bo’lgan “paninari”ning jozibali didini aks ettiradi. Shuningdek, u 90-yillarning Britaniya musiqachilarini ilhomlantirgan va Buyuk Britaniya futbol muxlislari tomonidan tafovut va guruhga mansublik belgisi sifatida qarshi olingan. Darhaqiqat, Stone Island haqida futbol madaniyatini yodga olmay turib, so’z yuritish qiyin.
Karlo Rivetti tomonidan kafolatlangan sodiqlik tufayli brend o’zining yaxlitligini va yillar davomida mahsulotlarga bo’lgan alohida e’tiborini saqlab qoldi. Haroratga qarab rangini o’zgartira oladigan, 1980-yillar so’nggida yaratilgan Ice Jacket- kurtkalaridan tortib, qorong’ida nur qaytaruvchi – Reflective Jacket modellargacha.
2005 yilda bolalar va o’smirlar uchun Stone Island funksional kiyimlarining kichik versiyasi – Stone Island Junior lineykasi yo’lga qo’yiladi.
Stone Island 2020 yilning dekabrida Moncler guruhiga qo’shiladi. “Modadan xoli, hashamatdan xoli” falsafiy shiori ostidagi qadami bilan ikkita italyan brendi “yangi hashamat” segmenti ostida mustahkam birlashadi. Bu g’oya inklyuzivlik, bir jamoaga tegishlilik hissi bilan shuningdek, san’at, madaniyat, musiqa hamda sport kabi turli ma’nolar uyg‘unligi bilan ajralib turadi.