JW Anderson

Urfbop kiyimlarning Britaniya brendi dastlab erkaklar auditoriyasiga yo’naltirilgan edi, 2010 yildan boshlab o’z mahsulotlar assortimentini ayollar kiyimlari bilan boyitdi.

Urfbop kiyimlarning Britaniya brendi dastlab erkaklar auditoriyasiga yo’naltirilgan edi, 2010 yildan boshlab o’z mahsulotlar assortimentini ayollar kiyimlari bilan boyitdi

Andersonning dizaynerlik karyerasi Prada`da vizual merchendayzer sifatida boshlangan. Ko’p o’tmay u o’zining shaxsiy JW Anderson erkaklar uchun kiyim to’plamlarini yo’lga qo’yadi. Aksariyat to’plamlar uniseks hisoblangan. Ularda mardlik va nazokat mujassam bo’lib, chindan ham ajoyib uyg’unlik hosil qilgan.

2012 yilda JW Anderson Britaniya xalqaro Topshop tarmog’i uchun limitlashtirilgan kiyim va aksessuarlar to’plamlarini yaratadi. Hamkorlik brendning tez tanilishiga va JW Anderson leyblining mashhur bo`lishiga olib keladi. Peysli naqshlari va xellouin mavzulari ustun bo’lgan to’plam sotuvga qo’yilgach bir necha soat ichida sotib yuboriladi

Jonatan Anderson

Donatella Versache – Versace Versus`ning diffuz liniyasini yaratishga yosh iste’dodni jalb qiladi. 2013 yilning iyunida Anderson Versace uchun o’zinig ilk to’plamini namoyish etadi.

2013 yilning sentyabrida LVMH Andersonni Ispaniya elita uyining ijodiy rahbari etib tayinlaydi. Joriy paytda JW Anderson uyida ayollar va erkaklar uchun mahsulotlar taqdim etilgan.

Dizayner aksessuarlar va sumkalari bilan mashhur. Marka bisotida afsonaviy Anchor, Keyts va Wedge modellar, shuningdek beysbolka shaklidagi Cap Bag`lar bor. Keyinchalik ularga boks xaltasiga o’xshash Punch sumkasi va yirik zarhallangan po’lat zanjirlar qo’shildi.

Anderson muhlislar e’tiborini bichimlar, printlar va gazlamalar bilan o`tkazgan tajribalari tufayli qozongan. Dizayner hajmlar va siluetlar bilan ishlaydi: keng uzun liboslar, yirik qaytarma yoqali trenchlar va halqasimon yoqali paltolar, keng yengli bluzalar va asimmetrik bichimlar, ajoyib andazali ipak yopinchiqlar, baskalar, keng shimlar va yubkalar, jaketlar bilan komlektda oversize uslubidagi bermuda shortilar.

Anderson doimo sifatli buyumlarni yaratgan: pidjak va ust kiyimlarni tikuvchilar tikadi, junni u Shotlandiyadagi eng yirik ishlab chiqaruvchidan buyurtma qiladi, Jonatanning o’zi lyureks, jun va lamelar qorishmasidan gazlama tayyorlaydi.

Brend kiyimlarini AQShdagi Barneys, Opening Ceremony, Dover Street Market va Jeffrey butiklaridan, Yevropaning Dover Street Market, Selfridges, Harrods, Le Bon Marche va Printemps do’konlaridan xarid qilishingiz mumkin. Joyce, Isetan & 10 Corso Como ushbu brend mahsulotlarini Osiyoga yetkazib beruvchisi hisoblanadi.