Maglificio Gran Sasso kompaniyasi tarixi 1952 yilda San-Ejidio alla Vibrata nomli kichik shaharchada paydo bo’lgan. To’rt nafar aka-uka Nello, Eraldo, Alcheo va Franchesko Stafanolarning tadbirkorlik hatti-harakatlari evaziga kompaniya faoliyati yo’lga qo’yilgan.
O’tgan asrning 70-yillarida oilaviy biznes sanoat darajasigacha ko’tarilib, aka-ukalar ichki va jahon bozorlarida o’z o’rinlariga ega bo’lishni va katta muvaffaqiyatlarga erishishni boshlaydilar.
2002 yilda kompaniya umumiy 36 000 m2 maydonga ega bo’lgan yangi kompleksni barpo etishni boshlaydi. U 400 nafar xodimga ega shtat birligidan iborat bo’lgan. Kompleks dizayni mashhur arxitektor va o’z kasbining ustasi Gvido Kanalining oqilona minimalizm g’oyalarini o’zida aks ettirgan.
2009 yilda Milan triyennale doirasida u Italiya me’morchiligiga qo’shgan xissasi uchun oltin medalga sazovor bo’ldi.
Kompaniya aktivlaridan yana biri Rozeto-deli-Abrutssida joylashgan to’qimachilik fabrikasidir. U paxta mahsulotlari ishlab chiqrishga ixtisoslashgan. U qachonlardir qo’lda pishirilgan g’isht ishlab chiqaruvchi qadimgi pech o’rnida paydo bo’lgan.
Bundan tashqari, kompaniya Milanda Montenapoleone ko’chasidagi tomosha zaliga ega zamonaviy bo’yoq fabrikasini ham boshqaradi.
“Sifat xech qachon urfdan chiqmaydi” – kompaniya rahbariyatining ikkinchi avlodi shioridir. U ham xuddi asoschilari kabi an’analarni innovatsiyalar bilan, qo’l mehnatini ishlab chiqarishning zamonaviy texnologiyalari bilan uyg’unligini saqlab qolgan holda, eksklyuziv Italiya uslubi obraziniтп talqin qiluvchilari bo`lib qolishgan.
Erkaklar va ayollar trikotaj mahsulotlarini ishlab chiqarishda kompnaiya faqat tabiiy kalava va yigirilgan ipdan foydalanadi. Ishlab chiqarish bosqichlarining har birida maksimal darajada qo’l ishidan foydalanilgan. Gran Sasso kompaniyasi Todd & Duncan (Shotlandiya), Zegna Baruffa (Italiya), Cariaggi (Italiya), Besani s.r.l. (Italiya) kabi mashhur ishlab chiqaruvchilardan yuqori sifatli xom ashyo mahsulotlarini xarid qiladi.
Mahsulotlarni ishlab chiqarishda Gran Sasso uzun tolali paxtaning eng yaxshi navidan (Mako, Si Ayslend, Pima); Avstraliyadan indichka merinos hamda kashmiri echkisining yumshoq va mayin yunglaridan foydalanadi. Shuning uchun ham Gran Sassoning har bir sviteri o’ziga xos va noyob hisoblanadi.
Rasmiy sayt: www.gransasso.it